Hit and Run.

Sinasadya ba o hindi? Walang choice o sadyang yun lang ang pinili? Takot panagutan pero ang lakas at ang kapal ng mukha para takbuhan na lang. Mayroong bumabalik dahil sa konsensya, mayroon din naman na hindi ata tinubuan kahit ng hiya. Hahabulin mo pa ba? Hahayaan na lang ba? May galos at daplis lang ang dala. Mayroon din namang agaw-buhay na. Kung kikidlatan bawat taong ewan mo ba kung anong trip sa buhay kundi manakit, malamang sa malamang kahit gabi, nagliliwag ang langit.

Alam mo yung feeling na ang sweet nyo sa isa't isa, sineryoso mo, pero laro lang sa kanya? Yung feeling na tinuring ka niyang other half niya, naniwala ka, pero pa-fall lang pala siya. Yung pakiramdam na kayo, pero hindi lang official, e yun pala ganun din siya sa iba. Pakiramdam na may pagkakaintindihan kayo pero may takot lang sa pwedeng mangyari, tapos bigla-bigla, may iba na pala. Yung pagkakataong ayaw mong maniwala, tapos nung naniwala ka na, bigla ka na lang iiwan. Yung feeling na ang saya-saya mo na tapos isang iglap mawawala na lang ng wala man lang pasabi o paalam. Ang saya no? Ang sarap magdiwang. Dalawa kayong nagsimula, pero ngayon mag-isa ka na lang.

Akala mo iba siya. Akala mo magtatagal kayo. Akala mo seryoso siya. Akala mo totoo ang lahat. Akala mo sincere siya. Akala mo sa'yo lang niya sinasabi at pinaparamdam ang lahat. Akala mo puti, pula naman pala. Akala ko kasya yun pala hindi. Akala ko tama yun pala mali.

Akala ko alam ko na ang lahat ng dapat na malaman, nguni't mali na naman. Pero okay lang yan, wag kang matakot na baka magkamali. Walang mapapala kung 'di ka magbabakasakali. Dahil lumilipas ang oras baka ka maiwanan kung hindi mo susubukan. ☺

Ah eh kung sa usapang damdamin, hindi ba pwedeng sigurado? Pero ang sabi-sabi sa balita, ang damdamin sadyang paiba-iba. Kasi ang damdamin binubuo ng emosyon. E alam naman nating maraming emosyon ang naramramdaman sa mundo. E baka nga hindi mo pa nararamdaman yun lahat. Pero hindi sapat na dahilan para mang-iwan na lang ng basta-basta. Na matapos na mapaibig mo ang isang tao, bibitawan mo na lang, na minsan walang paapaalam. Masakit malamang nagbago ang nararamdaman mo sa isang tao, walang magaan at walang hindi nakakasakit na paraan. Nguni't, hindi tama na takbuhan mo na lang ito. Hindi tama na maglalaho na lang na parang bula. Maging patas ka.

Ang pag-ibig minsan parang hit and run, kapag hindi kayang panindigan, tatakbuhan ka na lang. Badtrip no? Pero ikaw ba hindi mo yun nagawa? Sadya man o hindi sadya?

Love Letters to Lhet. ♥

Sa panahon natin ngayon, bihira na lang ang nagbibigay ng love letter. Sabi nga nila, old school type ng panliligaw. Pero personally, mas gusto ko ng OLD SCHOOL. May effort, may sincerity at may sense of creativity. Hindi ko naman sinasabing wala na ang tatlong ito sa panahon ngayon, hindi na lang siguro masyadong nabibigyan ng pansin ang mga ito dahil sa teknolohiyang mayroon tayo ngayon. Kaya naman, natutuwa ako kapag may mga gumagawa pa din ng love letter.

Mayroon akong kasama sa trabaho, halos sampung taon na siyang sinusuyo ng bestfriend niya. Kahit na maraming ng dumating at umalis sa buhay nilang dalawa, magkaibigan pa din sila. Hindi naman din lingid sa kaalamanan ng babae na matagal na din siyang gusto ng kanyang matalik na kaibigan. At sa istorya nila, mararamdaman mo ang tinatawag nilang 'unconditional love'. Ang pag-ibig na walang hinihintay na kapalit. Ang pag-ibig na ipaparamdam mo't ipapakita sa taong mahal mo kahit hindi niya ito suklian ng pagmamahal ng tulad sa pagmamahal mo, ay mamahalin mo pa din siya ng buong-buo.

Ordinaryong araw man o hindi, naging saksi ako sa kung paano sila sila sa isa't isa. At naramdaman ko din kung gaano katotoo ang nararamdaman nila. Sa katunayan, na-in love na ako sa mga sulat na ginagawa ng lalaki. :))

Minsan nga, ginawa ko itong wallpaper sa laptop na ginagamit namin sa trabaho. At nang minsang dumating ako, naabutan ko ang babae na nakangiti't nakatitig sa monitor ng computer. E sino ba namang hindi gaganda ang araw pag nabasa ang mga sulat ni Julius? :)

PAALALA:

Bawal itong kopyahin. Ang bawat letra at salita sa mga love letter ay dapat na nanggagaling sa puso. Hindi yan sa marunong o hindi ka marunong gumawa nito bagkus kusa itong maiisip lalo't totoo ang mithiin at nararamdaman.